Beera kalkude puttudina ooru
kellattha marnaad(kella puthige).Appe iravedi. Amme Shambu kalkude. Aaye baari birsaadigeda shilpi.Iravedi
banjinal aaduppunaga shambhu kalkudag belagoladth ole barpundu.Arasuna ole
prakaro aaye belgolag shilpo kaaryogu poye.
Shambhu doorada oorugu podippunaga iravedi amar jokleg
jannma korpal. Onji aan bale,bokkonji ponnu bale.Akleg beeru bokka Kaalamma
pandh pudar deeper.
Beere mallad kallda ketthane
suru malpuve.Aathanetala amme oorug bathuppuje.Aaye belgolad arasuna belene
malthonduppuve.Ammerena belen toovod panpina angalappud mage beera kalkude
belgolag poppe.Aanda ayag ammerena gurtha uppuji.Aalpa podanaga amme Magana beti
aapund.Aare yenna ammer pandh gothijjandna beere ammerna beleg oona panpe.Inimutta
thanna beleg yeerla odak panthijer.Ini ee yelya huduge odak pandetha panpina bayjard
shambhu kalkude alpane thigaleg uli paadondu praana budpe.
Ee ghatane karid yeetho samayo
karind.Ammalekone mage beera kalkudela moorthi kethuna kaaryod birseyaad pudarg
barpe.Ee pugarthe kenna karlada bairava arasu beera kalkudan leppudadh gommata
moorthi kethavuna bele korpe.baari sokuda gommata moorthin kalkude kethuve.Ee
moorthin thooyina arasug baari kosi aapund.Aanda inchithnane moorthin beera
kalkude bethe arasulegla kethud koryenda
thanna rajyoda gommatana pudar kammi
aapundund yennina arasu,nana olpala kalkude moorthi kethiyere ballindh yennid
shilpina onji kaila,karla kadupaye.
Eill budth karkala arasunadeg pooyina anne nanala baidijendh
kaath kaathud sothina megdi kalamma palayan naadondh popal.Alpa kaikar
kalevondh nigaronduppuna shilpi kalkudan thood aal kananeer japppaval.Anchene
palayana ee sthithig karanavayina arasuna mitth masth garvala barpund.
Alpadth palayan lethondh
kalamma venoorg popal.Onji kar onji kai
ijjindala anchina kashtoda sthithite venooruda arasulegad kalkude gommata
moorthi kethuve.Ee suddi therina karloda arasu venoorda mith ladayig barpe.iruveregla
malla ladayi aapundu.
Inchithuna sandarbhod
kalkudela, kalammala kayo bududhu mayo seruver.Adharmoda saadid merevondippuna
karloda arasunu aliyanthra malpodundu iruverla daiva shakthilad oru padepper.Kalkuda
–kallurti panpina pudar mokleg barpundu.
Arasuna mith page bootiyare
ee daivolu bairavarasuna rajadanig pogguver. Thenkayda rajagopura,badakayda
agrahara,kote,pete poorenla sudpper,gendada barsa,kalluda barsa
barpaaver.Arasuna haasigeg thoo korper. Arasabben neerudulai dengaaver.
Unden poora anubavithna
arasugu podige aapundu.yeregla ee daivolena shakthin thadeyere aapuji.Kadek
ubarda(uppinangadi) vailare panpina manthravadi karkalog podu ee daivolen
preethi bokka bhakthid vasha malthonuve.Tharayda ulay daivolen jamithudu ubarg
kanape.
Manthravadina ottugu ubarg
bathina daivolu thankuleg nile ayere jaage korodundh keanver.Ubard nikleg
iruvergla sthano kattavendh base korpe.Ayik daivolu oppuva.Avve prakara ubard
kalkuda- kallurtig surutha sthana kattaver.Alpa nileyayina thage-thangadi daivolu
kramena tulunada ormela neleyad alpalpa kale karniko thojaver.Nambina
bhakthereg imbu korondu anyayod nadathinakleg buddi kalpavondu tulunadtha
permeda daivolad mereyonduller.
